Бусонид 200 мкг 300 доз аэрозоль для ингаляций дозированный

Сипаттама

Дәрілік затты медициналық қолдану жөніндегі нұсқаулық

САУДАЛЫҚ АТАУЫ

Бусонид

Халықаралық патенттелмеген атауы

Будесонид

Дәрілік түрі

Дозаланған ингаляцияға арналған аэрозоль, 200 мкг/доза

Фармакотерапиялық тобы

Респираторлық жүйе. Тыныс алу жолдарының обструкциялық ауруларын емдеуге арналған препараттар. Тыныс алу жолдарының обструкциялық ауруларын емдеуге арналған басқа да ингаляциялық препараттар. Глюкокортикостероидтар. Будесонид.

ATХ коды: R03ВА02

Қолданылуы

- Бронх демікпесінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа (заттарға) немесе қосымша заттардың кез келгеніне аса жоғары сезімталдық

- өкпе туберкулезінің белсенді түрі

- 2 жасқа дейінгі балалар

Қолдану кезінде қажетті сақтық шаралары

Белсенді және ремиссия сатысындағы өкпе туберкулезі, тыныс алу жолдарының зеңдік және вирустық инфекциялары бар пациенттерде аса сақ болу қажет.

Басқа дәрілік препараттармен өзара әрекеттесуі

Будесонид метаболизмі, бірінші кезекте, Р450 цитохромы ферменттерінің бірі - CYP3A4 арқылы жүзеге асады. Осы ферменттің тежегіштері, мысалы, кетоконазол мен итраконазол будесонидтің жүйелі әсерін арттыра алады. Басқа да қуатты CYP3A4 тежегіштері де(АИТВ протеазасының тежегіштері және құрамында кобицистат бар препараттар) плазмадағыбудесонид деңгейін арттыруы мүмкін.

Зерттеулер кетоконазол мен итраконазолды (бауырдағы және ішектің шырышты қабығындағы CYP3A4 белсенділігінің тежегіштері) пероральді енгізу будесонидтің жүйелі әсерінің ұлғаюын туындататынын көрсетті. Кетоконазолмен және итраконазолмен немесе CYP3A4 басқа да күшті тежегіштерімен қатар емдеуден аулақ болу керек. Егер бұл мүмкін болмаса, өзара әрекеттесетін дәрілерді енгізу арасындағы аралық барынша ұзақ болуы тиіс. Будесонид, аэрозоль дозасының төмендеуі де қарастырылуы тиіс.

Плазмадағы будесонид концентрацияларының жоғарылауы және кортикостероидтар әсерлерінің артуы эстрогендер және контрацепцияға арналған басқа да стероидтар қабылдаған әйелдерде байқалды. Будесонидтің біріктіріп ішуге арналған контрацептивтердің төмен дозаларын қатарлас қабылдаумен өзара әрекеттесуі байқалмаған.

Бүйрек үсті бездері функциясының бәсең болуы мүмкін екендіктен, гипофизарлық жеткіліксіздікті диагностикалауға арналған АКТГ сынамасы жалған нәтиже (төмен мәндер) көрсетуі мүмкін.

Арнайы ескертулер

Стероидтарға тәуелді емес пациенттер:

Будесонидтің ұсынылатын дозасымен емдеу, әдетте, 7 күннің ішінде емдік әсерін береді. Алайда, кейбір пациенттерде бронхта секреттің, шырыштың шектен тыс жиналуын байқауға болады. Бұл жағдайларда аэрозольға толықтыру ретінде ішуге арналған кортикостероидтармен қосымша қысқа курс (әдетте, 1-ден 2 аптаға дейін) қажет. Ішуге арналған препаратпен емдеу курсынан кейін аэрозоль қолдану ем үшін жеткілікті болуы мүмкін.

Стероидқа тәуелді пациенттер:

Науқастардың ішуге арналған стероидтардан будесонид, ингаляцияға арналған аэрозольға ауысуы, ішуге арналған кортикостероидтарды ұзақ уақыт қолданудан бұзылуға ұшырайтын гипоталамус-гипофиздік-бүйрек үсті бездері функциясының баяу реституциясына орай, ерекше көңіл бөлуді талап етеді. Будесонид, аэрозоль препаратымен емдеу басталғанда пациенттердің жағдайы тұрақты болуы тиіс. Таңдалған дозасында ішуге арналған глюкокортикостероидтарды қабылдау аясында 10 күн бойы будесонид, ингаляцияға арналған аэрозольдің жоғары дозасын қабылдау ұсынылады. Әрі қарай бір ай ішінде ішуге арналғанглюкокортикостероидтар дозасын біртіндеп азайту керек.

Дозаны азайту пациенттің ауру тарихына және қабылданған стероидтарға негізделген дәрігердің көзқарасы бойынша таңдалуы тиіс. Мысалы, дозаны аптасына бір рет 5 мг преднизолоннан азайту, бұл қысқарту күніне 20 мг тәуліктік дозасының алғашқы аптада күніне 15 мг, екінші аптада күніне 10 мг дейін азайтылуын және т.б. білдіреді, ішуге арналған дозасы ең төмен деңгейге дейін түседі, бұл будесонид, аэрозольмен біріккенде демікпенің бақылануын жақсартады.

Көп жағдайларда ішуге арналған стероидты будесонид, ингаляцияға арналған аэрозольға толық алмастыруға болады, алайда кейбір пациенттерді ингаляциялық будесонидпен бірге ішуге арналған стероидтың төмен дозасында демеуге тура келеді.

Ішуге арналған глюкокортикостероидтардан бас тартқанда кейбір пациенттер, тыныс алу функциясы жақсарса да, мазасыздық сезінуі және жалпы өздерін науқастанғандай сезінуі мүмкін. Пациенттерді ішуге арналған стероидтан бас тарта отырып, ингаляциялық будесонидпен емделуді жалғастыруға (егер ішуге арналған стероидтар қабылдау қажеттілігін көрсететін клиникалық белгілері болмаса) ынталандыру керек.

Стероидтармен ұзаққа созылатын жүйелі емнің нәтижесінде бұрын ішуге арналған глюкокортикостероидтарға тәуелді болған пациенттер бүйрек үсті бездері функциясының бұзылу зардаптарына шалдығуы мүмкін. Ішуге арналған стероидты емді тоқтатқаннан кейін қалпына келтіру едәуір көп уақыт алуы мүмкін, сондықтан, ингаляциялық будесонидке ауысқан ішуге арналған стероидқа тәуелді пациенттер біршама уақыт бойы бүйрек үсті бездері функциясының бұзылу қаупіне ұшырауы мүмкін. Мұндай жағдайларда гипоталамус-гипофиздік-бүйрек үсті бездерінің функциясы ұдайы бақылануы тиіс.

Ингаляциялық кортикостероидтардың, атап айтқанда, ұсынылған дозаларынан асып кететінжоғары дозаларымен ұзақ уақыт емдеу бүйрек үсті бездері функциясының клиникалық мәнді бәсеңдеуіне әкелуі мүмкін.Стероидтар дозасын тез төмендету бүйрек үсті безінің жедел дағдарысын туындата алады. Бүйрек үсті безінің жедел дағдарысы тұсында байқауға болатын симптомдары мен белгілері бұлыңғыр болуы мүмкін және өзінде анорексияны, іштің ауыруын, салмақ жоғалту, шаршау, бас ауыруын, жүрек айну, құсу, сана деңгейінің төмендеуін, құрысулар, гипотония мен гипогликемияны қамтуы мүмкін.

Қосымша жүйелі глюкокортикостероидтармен немесе ингаляциялық будесонидпен емдеуді күрт тоқтатуға болмайды.

Ішуге арналған емнен будесонид, ингаляцияға арналған аэрозольға ауысу аллергиялықсимптомдардың, артрит, ринит, экзема, бұлшықет және буын ауруларының пайда болуына әкелуі мүмкін. Осы жағдайларда спецификалық емдеуді бастау қажет. Егер шаршау, бас ауыру, жүрек айну және құсу сияқты симптомдар пайда болса, глюкокортикостероидтар әсерінің төмендігінен күдіктену керек. Бұл жағдайларда ішуге арналған глюкокортикостероидтар дозасын уақытша арттыру кейде қажет.

Бактериялық инфекциядан туындайтын демікпенің өршуі, әдетте, антибиотиктермен тиісінше емдеумен және, мүмкін, будесонид, аэрозоль дозасын арттырумен немесе, егер қажет болса, жүйелі кортикостероидтар қабылдау арқылы басқарылады.

Ингаляциялық ем кезінде аэрозоль қабылдағаннан кейін ентігудің шұғыл артуымен парадоксальді бронх түйілуі болуы мүмкін. Парадоксальді бронх түйілуі жылдам ингаляциялық бронходилататорларға реакция береді.Будесонид,аэрозоль дереу тоқтатылу керек, пациенттің ауыр ахуалы бағаланып, қажет болса, баламалы ем басталуы тиіс.

Ингаляциялық кортикостероидтардың жүйелі әсерлері ұзақ уақыт бойы тағайындалған жоғары дозаларда қолданған кезде пайда болуы мүмкін. Жүйелі әсерлері ішуге арналған кортикостероидтар қабылдау кезіндегіден аз ықтималды болады. Болжамды жүйелі әсерлеріне Кушинг синдромы, кушингоид белгілері, бүйрек үсті бездері функциясының бәсеңдеуі, балалар мен жасөспірімдердегі өсу кідірісі, сүйек тінінің минералдық тығыздығының төмендеуі, катаракта және глаукома жатады.

Пациентті дәрігердің жүйелі бақылауы және ингаляциялық глюкокортикостероидтар дозасын демікпенің тиімді бақылануы сақталатын ең төмен дозаға дейін титрлеу маңызды.

Ингаляциялық глюкокортикостероидтармен ұзақ уақыт ем алатын балаларда өсуді жүйелі бақылау ұсынылады. Егер балалардың өсуі баяуласа, ингаляциялық глюкокортикостероидтар дозасын демікпенің тиімді бақылануы сақталатын ең төмен дозаға дейін азайту мақсатында емді қайта қарастыру керек.

Будесонид,ингаляцияға арналған аэрозоль жедел демікпе ұстамаларын басуға арналмаған. Мұндай жағдайларда пациенттерге жылдам ингаляциялық бронходилятаторларды өзінде ұстауға кеңес беру керек.

Егер пациенттер емді тиімсіз деп тапса, дәрігер кеңесіне жүгіну қажет. Осы оқиғада будесонид, ингаляцияға арналған аэрозоль дозасын арттыруды, ұзақ әсер ететін бета-адреностимуляторлар немесе ішуге арналған глюкокортикостероидтар курсын қосуды қарастыру керек.

Пациенттер, егертіпті ауру симптомсыз өтіп жатса да, алдын алу емін жүйелі түрде қабылдаудың маңыздылығын есте ұстау керек. Пациенттер, ауыз-жұтқыншақта дәрінің шөгуіне байланысты орофарингеальді кандидоз қаупін есте сақтаған жөн. Пациенттерге әр дозадан кейін ауызды сумен шаюға кеңес беріледі, бұл қауіпті әбден азайтуға мүмкіндік береді. Орофарингеальді кандидоз, әдетте, ингаляциялық кортикостероидтар қабылдауды тоқтату қажеттілігінсіз зеңге қарсы емдеуден кейін қайтады.

Пациенттер ингаляторды дұрыс пайдалануды есте ұстауы тиіс және құрылғы ішке тартатын аэрозольдің синхрондалған кепілді басқарылуы үшін препаратты өкпеге оңтайлы жеткізу мақсатында тексерілуі тиіс.

ӨСОА бар пациенттердегі пневмония

Ингаляциялық кортикостероидтар қабылдайтын ӨСОА бар пациенттерде ауруханаға жатқызуды талап ететін пневмонияны қоса, пневмония жиілігінің ұлғаюы байқалды. Стероидтар дозасының ұлғаюымен пневмонияның жоғарғы қаупін растайтын кейбір деректер бар, бірақ бұл барлық зерттеулерде айқын дәлелденбеді.

Деммен жасалатын кортикостероидты препараттар арасында пневмония қаупінің шамасында топішілік айырмашылықтар туралы айқын клиникалық деректер жоқ.

Дәрігерлер ӨСОА бар пациенттерде пневмонияның ықтимал дамуына қатысты мұқият болуы тиіс, өйткені мұндай инфекциялардың клиникалық белгілері ӨСОА өршу симптомдарына сай келеді.

ӨСОА бар пациенттерде пневмония даму қаупінің факторларына ағымдағы шылым шегу, егде жас, дене салмағы индексінің (ДСИ) төмендігі және ауыр ӨСОА кіреді.

Көрудің бұзылуы

Көрудің бұзылуы кортикостероидтарды жүйелі және жергілікті қолданғанда хабарлануы мүмкін. Егер пациентте бұлыңғыр көру сияқты симптомдар немесе көрудің басқа да бұзылулары пайда болса пациент ықтимал себептерді бағалау үшін офтальмологқа жіберілуі тиіс, оларға катаракта, глаукома немесе жүйелі және өзекті кортикостероидтарды пайдаланғаннан кейін хабарланған (CSCR) орталық серозды хориоретинопатия сияқты сирек аурулар кіруі мүмкін.

Бауыр функциясының төмендеуі глюкокортикостероидтардың шығарылуына ықпал етуі мүмкін. Будесонидтің венаішілік дозасынан соң плазмалық клиренсі циррозбен науқастарда және дені сау адамдарда ұқсас болды. Ішу арқылы қабылдағаннан кейін будесонидтің жүйелі биожетімділігі бауырдағы алғашқы метаболизм салдарынан азайған. Оның будесонид, аэрозоль үшін клиникалық мәнділігі белгісіз, өйткені ингаляциялық будесонидке қатысты деректер болмағандықтан, бірақ плазмадағы деңгейінің жоғарылауына орай, жүйелі жағымсыз әсерлер қаупінің артуын күтуге болады.

Жүктілік және лактация кезеңі

Эпидемиологиялық зерттеу нәтижелері және постмаркетингтік қолданудың әлемдік тәжірибесі жүктілік кезінде ингаляциялық будесонидтің шарана/нәресте денсаулығына жағымсыз әсерлерінің болмауын көрсетеді. Жануарларға жүргізілген зерттеулер репродуктивтік уыттылығын көрсеткен. Адам үшін зор қатері белгісіз.

Жүктілік кезінде будесонид, аэрозоль пайдалануға қатысты тиісті клиникалық деректер жоқ.

Жүктілік кезінде будесонид, аэрозоль тағайындау ана үшін пайдасы мен шарана төнетін қауіпті бағалауды талап етеді. Егер күтілетін пайдасы әлеуетті қаупінен асып түссе, жүктілік кезінде будесонид, аэрозольді пайдалануға болады.

Будесонид емшек сүтімен бөлініп шығады. Бірақ емдік дозаларында будесонид, аэрозоль сәбиге әсерін тигізбейді. Лактация кезеңіндегі HFA 134а пропелленті қауіпсіздігінің тәжірибесі немесе дәлелдемесі жоқ. Ана үшін күтілетін пайдасы нәрестеге төнетін кез келген әлеуетті қауіптерден басым болатын жағдайларда ғана будесонид, аэрозоль пайдалануды қарастыру керек.

Дәрілік заттың көлік құралын немесе қауіпті тері-ойықтарды басқару қабілетіне әсер ету ерекшеліктері

Будесонид, аэрозоль пациенттердің көлік құралдарын басқару немесе аса назар аударуды және психомоторлық реакциялардың жылдамдығын талап ететін басқа да ықтимал қауіпті қызмет түрлерімен айналысу қабілетіне әсер етпейді.

Қолдану жөніндегі нұсқаулар

Дозалау режимі

Препарат бронх демікпесі асқынуының профилактикасы үшін қолданылады, жедел ұстамада қолдану - орынсыз.

Бусонид, ингаляцияға арналған аэрозоль дозасы әркімге жеке таңдалады.

Ересектер, егде жастағылар мен 12 жастан асқан балаларды қоса: күніне екі рет (таңертең және кешкілік) 200мкг. Бронх демікпесінің ауыр өршуін емдеу үшін тәуліктік дозасын 1600 мкг дейін арттыруға болады.

Доза демікпенің жақсы бақылануын сақтауға қажетті ең төменіне дейін азайтылуы тиіс.

2-ден 12 жасқа дейінгі балалар: бөлінген дозаларында күніне 200-ден 800 мкг дейін.

Бусонид, ингаляцияға арналған аэрозоль 200 мкг/доза бронх демікпесінің орташа және ауыр түріне шалдыққан балаларда пайдаланылады.

Доза демікпенің жақсы бақылануын сақтауға қажетті ең төменіне дейін азайтылуы тиіс.

Бусонид, ингаляцияға арналған аэрозоль 2 жасқа толмаған балаларда қолдануға ұсынылмайды.

Бусонид, ингаляцияға арналған аэрозоль ішуге арналған глюкокортикостероидтарды алмастыра алады немесе олардың дозасын едәуір азайта алады.

Бүйрек жеткіліксіздігі немесе бауыр функциясы бұзылған пациенттерде будесонидті қолдану жөнінде деректер жоқ. Будесонидтің бауырдағы биотрансформация есебінен шығарылуын ескеріп, бауыр циррозы айқын пациенттерде препарат әсерінің ұзаққа созылуын күтуге болады.

Енгізу жолы және тәсілі

Ингаляциялық

Бусонид препаратын, дозаланған ингаляцияға арналған аэрозольді қолдану жөніндегі нұсқаулық:

Ингаляторды әр жолы пайдаланудың тура алдында сілкіп алу керек.

Ингаляторды тестілеу:

Ингалятор алғаш рет пайдаланылса немесе егер ингалятор кемінде 7 күн пайдаланылмаса,ингаляторға«спрей -тест» өткізу керек.

2 дозаны ауаға бүркеді (1 сурет).

1. Мүштектен қалпақшасын шешіңіз; әр жолы пайдаланар алдында бөгде заттарының бар-жоғы тұрғысынан мүштектіқарап тексеру керек. Баллонның жетек тетігіне толық және сенімді қойылғанына көз жеткізіңіз(2 сурет).

2. Ингаляторды тігінен ұстаңыз, бас бармақнегізінде орналасуы тиіс. Бір немесе екі саусағыңызды ингалятордың жоғарғы ұшына іліктіріңіз. Ауаны өкпеңізден мүмкін болғанынша сыртқа шығарып, ауыз арқылы ауаны толық шығарыңыз. Сонан соң ингалятормүштегін ауыздағы тістердің арасына салыңыз (3 сурет).

3.Еріндеріңізді мүштектің айналасына көмкеріп (оны тістемеңіз), басыңызды сәл кейін шалқайтыңыз. Ауыз арқылы баяу ішке тарта бастаңыз. Мүштек арқылы терең және күш салып демді ішке тартқанда бір дозасын босатып шығару үшін канистраны басыңыз (4 сурет).

4. Ингаляторды ауыздан шығарып, деміңізді 10 секунд немесе қолайлы болатын сәтке дейін ірке тұрыңыз. Баяу дем шығарыңыз (5 сурет).

Ескертпе:

Егер1 дозадан көбірек ингаляция қажет болса, кем дегенде, бір минут күте тұру керек болады және 2 – 5 қадамдарды қайталаңыз.

5.Пайдаланар алдында мүштектің қақпағын жабыңыз. (6 сурет)

6. Ауызды сумен шайыңыз.

Алғашқы бірнеше ретінде айна алдында жаттығыңыз. Егер сіз ингалятордың жоғары жағынан немесе ауыздың бұрыштарынан шыққан «буды»көрсеңіз, бұл техниканың істемей тұрғанын көрсетеді. 2 қадамнан қайта бастаңыз. (7 сурет)

Балалар үшін:

Балалар, дәрігер нұсқауларына сәйкес, ингаляторды ересектердің бақылауымен пайдалануы тиіс. (8 сурет)

Ингаляторды тазалау:

Мүштекті, кеміндеаптасына 1 рет, ұдайы тазалаңыз.

1. Ингалятордың пластик корпусынан металл канистраны абайлап тартыңыз.

Мүштектен қақпағын шешіңіз.

2. Пластик корпусы мен мүштектің қақпағын жылы суда шайыңыз.

3. Кептіріңіз. Шамадан тыс жылудан аулақ болыңыз.

4. Канистраны және мүштектің қақпағын дұрыс қойыңыз.

Қаптамадағы дозалардың көрсетілген мөлшерлерін пайдаланған соңингалятордыканистрамен бірге пайдаланбай-ақ қойыңыз.

Артық дозалану жағдайында қабылдануы қажетті шаралар

Дәрілік заттың көп мөлшерін ішке тартқанда қысқа кезеңде гипоталамус-гипофиздік функцияның бәсеңдеуі болады. Ешбір ерекше әрекеттер талап етілмейді. Будесонид, аэрозоль емі демікпені бақылауға ұсынылатын дозаларында жалғастырылуы.

Дәрілік препаратты қабылдаудан бұрын дәрігерге немесе фармацевтке қаралыңыз.

Жағымсыз реакциялардың сипаттамасы

Жағымсыз реакциялар былайша туындауы мүмкін:

Жиі (1%-дан астам, бірақ 10%-дан кем пациентте кездеседі):

- жұтқыншақ шырышының аздап тітіркенуі

- орофарингеальді кандидоз

- қарлығу

- жөтел

- пневмония (ӨСОА бар пациенттерде)

Жиі емес (0,1%-дан астам, бірақ 1%-дан кем пациентте кездеседі):

- үрей, мазасыздық, депрессия

- тремор

- катаракта, көрудің бұзылуы

- бұлшықет түйілуі

Сирек (0,01%-дан астам, бірақ 0,1%-дан кем пациентте кездеседі)

- әсері баяу және баяу емес аса жоғары сезімталдық реакциялары, оның ішінде бөртпе, жанаспалы дерматит, есекжем, ангионевроздық ісіну және анафилаксиялық реакция

- кортикостероидтардың жүйелі әсерлерінің белгілері мен симптомдары, бүйрек үсті бездері функциясының бәсеңдеуін және балалардағы өсу кідірісін қоса

- психомоторлық гипереактивтілік, ұйқы бұзылулары, күйгелектік, мазасыздық, депрессия, мінез-құлық бұзылулары (көбінесе балаларда), озбырлық

- бронх түйілуі, дисфония

Жиілігі белгісіз

- глаукома

Жұтқыншақтың ауыз бөлігіндегі зеңді инфекциялар дәрілік заттың шөгуінен пайда болады. Пациенттерге әр дозадан кейін ауызды сумен шаюға кеңес беріледі, бұл орофарингеальді кандидоздың даму қаупін жоққа тән азайтуға мүмкіндік береді.

Басқа да ингаляциялық дәрілер жағдайындағы сияқты, препаратты қолданғаннан кейін сирек жағдайларда парадоксальді бронх түйілуі туындауы мүмкін.

Балаларда өсудің баяулауы қаупіне орай өсуді 4.4 бөлімде сипатталғандай бақылау керек.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

(жағымсыз реакциялар бойынша ақпараттық дерекқор көрсетіледі)

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

1 дозаның құрамында, мг

белсенді зат – будесонид 0.200 мг,

қосымша заттар: этанол, сорбитан триолеаты, пропеллент-

1,1,1,2-тетрафторэтан (HFA-134а).

Сыртқы түрінің, иісінің, дәмінің сипаттамасы

Дозалайтын клапаны бар аэрозольді алюминий баллонға қысымдалып салынған ақ суспензия.

Шығарылу түрі және қаптамасы

300 дозадан қорғағыш қақпақшалы мүштегі мен дозалайтын клапаныбар аэрозольді алюминий баллонда.

Баллон медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Жарамдылық мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

25° С-ден аспайтын температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Гленмарк Фармасьютикалз Лтд, Үндістан.

Виллэдж Кишанпура, Бадди-Налагарх Роуд Техсил Бадди, Дистт. Солан (Х.П.)-173205, Үндістан

Тіркеу куәлігінің ұстаушысы

Гленмарк Фармасьютикалз Лтд, Үндістан.

Гленмарк Хаус, ХДО-Корпорэйт Билдинг, Винг – А, Б.Д. Савант Марг, Чакала, Офф Вестерн Экспресс Хайвэй, Андхери (И), Мумбай – 400 099

Тел. +0091-22-4018 9999; Факс: + 0091-22-4018 9986

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

Гленмарк Фармасьютикалз ЛТДҚР өкілдігі, 050005, Алматы қ.,

Әл Фараби д-лы,7, «Нұрлы тау» бизнес орталығы, 4 А блок, 12 кеңсе. Тел: + 7(727) 311 04 41.

Эл. пошта: Safety.KZ&UZ@glenmarkpharma.com

Қалалар