Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
ДИКЛОТОЛ
Саудалық атауы
ДИКЛОТОЛ
Халықаралық патенттелмеген атауы
Ацеклофенак
Дәрілік түрі
Үлбірлі қабықпен қапталған таблеткалар 100 мг
Құрамы
Бір таблетканың құрамында
белсенді зат - 100 мг ацеклофенак,
қосымша заттар: микрокристалдыцеллюлоза РН 102, натрий кроскармеллозасы, коллоидты кремнийдің қостотығы, стеарин қышқылы, изопропил спирті, (2-пропанол)**, метиленхлорид**
қабықтың құрамы: Opadry-YS-1-7027 ақ: (гидроксипропилметилцеллюлоза, титанның қостотығы (Е 171), триацетин).
**- Соңғы өнімде болмауы мүмкін
Сипаттамасы
Екі беті дөңес, дөңгелек пішінді, ақ түсті үлбірлі қабықпен қапталған таблеткалар.
Фармакотерапиялық тобы
Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы стероидты емес препараттар. Сірке қышқылының туындылары және тектес қосылыстар. Ацеклофенак.
АТХ коды М01АВ16
Фармакологиялық қасиеттері
Фармакокинетикасы
Пероральді қабылдағаннан кейін ацеклофенак тез сіңіріледі, оның биожетімділігі шамамен 100% құрайды. Плазмадағы концентрация шегіне қабылдағаннан кейін 1,25-3 сағаттан соң жетеді. Ең жоғары концентрациясына жету уақыты (Tmax) бір мезгілде ас ішкенде баяулайды, ал сіңу дәрежесіне бұл әсер етпейді.
Таралуы. Ацеклофенак плазма ақуыздарымен жоғары дәрежеде байланысқан (> 99,7%). Ацеклофенак синовиальді сұйықтыққа өтеді, онда концентрациясы плазмадағы концентрациясынан шамамен 60% жетеді. Таралу көлемі 30 л-ге жуық.
Шығарылуы. Орташа жартылай шығарылу кезеңі 4-4,3 сағатты құрайды. Клиренс сағатына 5 литр құрайды. Қабылдаған дозаның шамамен үштен екісі көбінесе конъюгацияланған гидроксиметаболиттер түрінде несеппен шығарылады. Жекепероральді дозаның тек 1%-ы өзгермеген күйде шығарылады. Ацеклофенак клиникалық әсері елеусіз 4-ОН-ацеклофенактың негізгі метаболитіне дейін CYP2С9 көмегімен метаболизденуі мүмкін. Диклофенак және 4-ОН-диклофенак көптеген метаболиттер ішінде анықталды.
Пациенттер бойынша сипаттамасы. Егде жастағы пациенттерде ацеклофенак фармакокинетикасының өзгерістері анықталған жоқ. Бауыр функциясы бұзылған пациенттерде бір дозаны қабылдағаннан кейін ацеклофенактың баяуырақ шығарылуы байқалған. Күнделікті 100 мг қолданғанда көп рет қабылдаумен жүргізілген зерттеулерде жеңіл және орташа ауырлықтағы бауыр циррозы бар пациенттер мен дені сау пациенттер арасында фармакокинетикалық параметрлері бойынша айырмашылық болған жоқ. Жеңіл немесе орташа дәрежедегі бүйрек жеткіліксіздігі бар пациенттерде бір дозаны қабылдағаннан кейін фармакокинетикасында клиникалық елеулі айырмашылықтар байқалған жоқ.
Фармакодинамикасы
Ацеклофенак қабынуға қарсы және ауыруды басатын әсері бар қабынуға қарсы стероидты емес препарат болып табылады. Әсер ету механизмі простагландиндер синтезін тежеумен байланысты.
Қабыну патогенезіне, ауырудың және қызбаның туындауына әсер етеді. Ревматизмдік ауруларда ацеклофенактың қабынуға қарсы және ауыруды басатын әсері ауыру айқындылығының, таңертеңгі қарысудың, буындар домбығуының айтарлықтай төмендеуіне ықпал етеді, бұл пациенттің функционалдық жай-күйін жақсартады.
Қолданылуы
- остеоартрит, ревматоидты артрит және шорбуынданатын спондилитте ауыру мен қабынуды жеңілдетуде
Қолдану тәсілі мен дозалары
ДИКЛОТОЛ таблеткаларын жеткілікті мөлшердегі сумен іше отырып, тамақтанған кезде ішке қабылдайды.
Әдеттегі доза тәулігіне 2 рет 100 мг.
Ең жоғары ұсынылатын доза 100 мг-ден екі қабылдауға тәулігіне 200 мг құрайды (бір таблетка – таңертең, біреуі – кешке).
Бауыр функциясы бұзылған кезде – тәулігіне 100 мг.
Бүйрек функциясы бұзылған пациенттерге сақтықпен қабылдау керек.
Емдеу курсының ұзақтығы жекелей белгіленеді.
Егде пациенттерге дозаны төмендету қажет емес.
Жағымсыз әсерлері
Әдетте бақыланатын жағымсыз әсерлердің көпшілігі – бұл асқазан-ішек жолы тарапынан болатын бұзылулар. Асқазанның ойық жарасы, тесілуі немесе әсіресе егде жастағы пациенттерде кейде өлімге әкелетін АІЖ-дан қан кету туындауы мүмкін.
Кейбір қабынуға қарсы стероидты емес препараттарды (ҚҚСП) жоғары дозаларда және ұзақ уақытта қолдану артериялық тромбоздық бұзылуларға (мысалы, миокард инфарктіне немесе инсультқа) әкелуі мүмкін.
Жиі (≥1/100, <1/10)
- бас айналу
- жүрек айнуы, диспепсия, іштің ауыруы, диарея
- бауыр ферменттерінің жоғарылауы
Жиі емес (≥1/1000, <1/100)
- құсу, метеоризм, іш қату, ауыз қуысының ойық жаралануы, гастрит
- қышыну,тері бөртпесі, экзантема, дерматит, есекжем
- қандағы мочевина және креатинин деңгейінің жоғарылауы
Сирек (≥1/10000, <1/1000)
- анемия
- анафилаксиялық реакциялар (шокты қоса), ангионевроздық ісіну
- көрудің бұзылуы
-артериялық гипертензия (соның ішінде асқынған)
- жүрек жеткіліксіздігі
- ентігу
- мелена (геморрагиялық диареяны қоса), асқазан-ішек жолы аумағының ойық жаралануы, асқазан-ішек жолындағы геморрагиялар,асқазан-ішектен қан кету
Өте сирек/ жекелеген жағдайлар (<1/10000)
- гранулоцитопения, тромбоцитопения, нейтропения, гемолитикалық анемия - гиперкалиемия
- депрессия, әдеттен тыс түс көру, ұйқысыздық
-парестезия, тремор, ұйқышылдық, бас ауыруы, дисгевзия (дәм сезудің бұрмалануы)
- вертиго, құлақтың шыңылдауы
- жүректің жиі қағуы
- тері гиперемиясы, қан кернеулері, васкулит
- бронх түйілуі
- стоматит
- қан аралас құсу, асқазанның ойық жарасы, панкреатит, Крон ауруы ағымының және ойық жаралы колиттің нашарлауы
- гепатит
- геморрагиялық бөртпе, экзема, ауыр тері-шырышты реакциялар (Стивенс-Джонсон синдромын және уытты эпидермальді некролизді қоса)
-нефроздық синдром, бүйрек жеткіліксіздігі, интерстициальдінефрит
- ісіну, қатты шаршау, аяқтың құрысуы
- сілтілік фосфатаза деңгейінің жоғарылауы
- салмақтың артуы
Ерекше жағдайлардажелшешекпен ауырған кезде ҚҚСП қабылдағанда күрделі тері инфекциялары және жұмсақ тіндердің инфекцияларыбайқалған.
Қолдануға болмайтын жағдайлар
- осыған ұқсас әсері бар препараттар (мысалы, ацетилсалицилаттар және басқа да қабынуға қарсы стероидты емес дәрілер) бронх демікпесі ұстамаларын, бронх түйілуін, жедел ринит немесе есекжемді, Квинке ісінуін туындататын пациенттерге
- жүктілік және лактация кезеңі
- 18 жасқа дейінгі балалар мен жасөспірімдер
Дәрілермен өзара әрекеттесуі
Варфаринмен өзара әрекеттесуіне зерттеулерлерді қоспағанда, дәрілермен өзара әрекеттесуіне зерттеулер жүргізілмеген.
Ацеклофенак P450 2C9 цитохромы арқылы метаболизденеді, алin vitro деректері ацеклофенактың осы фермент тежегіші бола алатынын көрсетеді. Осылайша, фенитоин, циметидин, толбутамид, фенилбутазон, амиодарон, миконазол және сульфафеназолмен бір мезгілде қабылдау кезінде фармакокинетикалық өзара әрекеттесу қаупі болуы мүмкін. ҚҚСП тобындағы басқа препараттар жағдайындағы сияқты, организмнен белсенді бүйрек секрециясы арқылы шығарылатын метотрексат және литий препараттары сияқты басқа препараттармен фармакокинетикалық өзара әрекеттесу қаупі де артады. Ацеклофенак плазма альбуминімен толық дерлік байланысады, демек ақуыздармен байланысатын басқа препараттармен ығыстыру типі бойынша өзара әрекеттесу мүмкіндігі бар. Ацеклофенак іс жүзінде плазма альбуминдерімен толық байланысады және соған байланысты ақуыздармен байланысатын басқа да препараттармен ығыстыру типі бойынша өзара байланысу мүмкіндігі бар.
Ацеклофенак бойынша деректер жеткіліксіздігіне орай, келесі ақпарат басқа ҚҚСП туралы деректерге негізделген:
төмендегі препараттардың біріктірілімінен аулақ болу керек
Метотрексат:ҚҚСП метотрексаттың өзекшелік секрециясын тежейді;оның үстіне, метотрексат клиренсінің азаюына алып келетін аздаған метаболизмдік өзара әрекеттесуді байқауға болады. Сондықтан, метотрексаттың жоғары дозаларын қолданғанда ҚҚСП тағайындалмау керек.
Мифепристон: ҚҚСП мифепристон енгізуден кейін 8-12 күн ішінде қолдануға болмайды, ҚҚСП мифепристон әсерін азайтуы мүмкін.
Литий және дигоксин:кейбір ҚҚСП литий мен дигоксиннің бүйректік клиренсін тежейді, бұл екі заттың қан сарысуындағы концентрациясын арттырады. Егер литий және дигоксин концентрацияларына жиі мониторинг жасалмаса, бірге қолданудан аулақ болу керек.
Антикоагулянттар: ҚҚСП тромбоциттер агрегациясын тежейді және асқазан-ішек жолының шырышты қабығын зақымдайды, бұл антикоагулянттар қабылдап жүрген пациенттерде антикоагулянттардың әсерін күшейтуі және асқазан-ішек жолынан қан кету қаупін арттыруы мүмкін. Тиянақты мониторинг жасалмаса, ацеклофенак пен кумариндік топтың ішуге арналған антикоагулянттарын, тиклопидин, тромболитик препараттарды және гепаринді біріктірілімде тағайындаудан аулақ болу керек.
Антиагрегантты препараттар және серотонинді кері қармайтын селективті тежегіштерді ҚҚСП-мен біріктірілімінде асқазан-ішектен қан кету қаупін арттыруы мүмкін.
Хинолонды антибиотиктер:ҚҚСПжәне хинолонды антибиотиктерді бір мезгілде қолдану құрысулар дамуы қаупінің артуына әкеледі.
Төменде келтірілген препараттардың біріктірілімдері дозанытүзетуді және сақ болуды талап етуі мүмкін:
Метотрексат: Сондай-ақ ҚҚСП мен метотрексаттың өзара әрекеттесуі, әсіресе, бүйрек жеткіліксіздігі бар пациенттерде, тіпті метотрексаттың төмен дозасыменемдегендемүмкін екенін ескерген жөн. Біріктірілген ем қолдану қажет болған жағдайлардабүйрек функциясын бақылау керек. Егер ҚҚСП мен метотрексат, 24 сағат ішінде қабылданса сақ болу керек, өйткені метотрексат концентрациясы жоғарылауы мүмкін, бұл осы препараттың уыттылығын арттырады.
Циклоспорин, такролимус: ҚҚСП және циклоспорин немесе такролимусті бір мезгілде қабылдау бүйректе простациклин синтезінің төмендеуі салдарынан бүйрек уыттануы қаупін ұлғайтады деп саналады. Сондықтан біріктірілген ем кезіндебүйрек функциясын мұқият бақылау өте маңызды.
Кортикостероидтар: асқазан-ішек жолынан ойық жараның немесе қан кетудің пайда болу қаупі артады.
Диуретиктер: Ацеклофенак, басқа да ҚҚСП сияқты, диуретиктер белсенділігін тежеуі мүмкін, фуросемид пен буметанидтің диурездік әсерінжәне тиазидтердің гипотензиялық әсерін азайта алады. Калий жинақтаушы диуретиктермен бірге емдеу калий мөлшері артуымен байланысты болуы мүмкін; демек, қан сарысуындағы калий мөлшерін бақылау қажет.
Ацеклофенак бендрофлуаметиазидпен бірге қолданғанда, басқа диуретиктермен дәрілік өзара әрекеттесуін жоққа шығаруға болмаса да, артериялық қысымның бақылануына ықпал етпегені көрсетілген.
Гипотензиялық препараттар: Сондай-ақ ҚҚСП белгілі бір гипотензиялық препараттар әсерін де азайтуы мүмкін. АӨФ тежегіштерін немесе ангиотензин ІІ рецепторлары антагонистерін ҚҚСП біріктірілімде қабылдау бүйрек функциясыныңбұзылуына әкелуі мүмкін. Бүйрек функциясының төмендеуі бар кейбір пациенттерде, мысалы, егде жастағы немесе сусызданған пациенттерде, әдетте, қайтымды сипатта болатын жедел бүйрек жеткіліксіздігінің қаупі болады. Сондықтан, ҚҚСП-мен бұл препараттарды біріктірілімде қолданғанда, әсіресе, егде жастағы пациенттерді немесе сусызданған пациенттерді емдегенде сақ болу керек. Пациенттер сұйықтықтың жеткілікті мөлшерін ішуі тиіс, одан бөлек біріктірілген ем басталғаннан кейін, сондай-ақ мезгіл-мезгіл кейін де бүйрек функциясын мониторингтеу керектігін ескеру қажет.
Ацеклофенак бендрофлуазидпен бір мезгілде енгізгенде басқа диуретиктермен өзара әрекеттесулері жоққа шығарылмауына қарамастан, артериялық қысымды бақылауға әсер етпейтіні көрсетілді.
Гипогликемиялық препараттар: Диклофенакты ішуге арналған гипогликемиялық препараттармен олардың клиникалық әсеріне ықпал етпестен бірге қолдануға болады. Алайда бұл препараттыңгипогликемиялық және гипергликемиялық әсерлері жөнінде жекелеген хабарламалар бар. Осылайша, ацеклофенакқа қатыстыгипогликемия туындатуы мүмкін препараттардың дозалары түзетілуіықтималдығын ескеру керек.
Зидовудин: ҚҚСП мен зидовудинді бір мезгілде қабылдағандагематологиялық уыттылық қаупі артады. Зидовудин және ибупрофенмен қатарлас ем алатын, гемофилиядан зардап шегетін, мен АИТВ-оң пациенттерде гемартроздар мен гематомалардың пайда болу қаупінің жоғарылауы жөнінде деректер бар.
Басқа ҚҚСП: бір мезгілде ацетилсалицил қышқылын және басқа қабынуға қарсы стероидты емес препараттарды қабылдағанда жағымсыз құбылыстардың жиілігін арттыруы мүмкін, сондықтан сақ болу керек.
Айрықша нұсқаулар
Бір мезгілде ДИКЛОТОЛпрепаратын циклооксигеназа-2 селективті тежегіштерін қоса, басқа ҚҚСП қолданудан аулақ болу керек.
Асқазан-ішек жолына әсері
Кез келген ҚҚСП қабылдағанда, ем аясында кез келген уақытта, үрейлі симптомдармен бірге жүретін немесе онсыз,анамнезінде күрделі асқазан-ішек асқынулары болуына байланыссыз, өлімге соқтыруы мүмкін асқазан-ішек қан кетулері, асқазан немесе ішектің ойық жарасы түзілуі немесе ойық жараның тесілуі туралы хабарламалар бар. Анамнезінде асқазан немесе ішектің ойық жарасы бар пациенттерде, әсіресе егер ол қан кетулермен немесе тесілумен асқынса, сондай-ақ егде жастағы пациенттерде ҚҚСП жоғары дозаларымен емдегенде асқазан-ішек қан кетулерінің, ойық жарасы түзілуі немесе ойық жараның тесілуінің қаупі бар. Бұл пациенттерді емдеуді ең төмен тиімді дозасынан бастау керек. Сондай-ақ бұл топтағы пациенттерді және ацетилсалицил қышқылын аз дозада немесе асқазан-ішек асқынуларының даму қаупін ұлғайтуы мүмкін басқа препараттарды бір мезгілде қолдануталап етілген пациенттерді емдегенде протектор-препараттармен (мысалы, мизопростол немесе протонды помпа тежегіштері) біріктірілген ем мүмкіндігін қарастыру қажет.
Анамнезінде асқазан-ішек уыттануы бар пациенттер, бірінші кезекте егде жастағылар, емнің ерте сатысында симптомдарға өте мұқият зейін қоя отырып, іш аумағындағы кез келген әдеттен тыс симптомдар (әсіресе асқазан-ішек қан кетулері туралы) туралы хабарлауы тиіс. Ойық жара түзілуінің немесеқан кетуінің қаупін ұлғайтуы мүмкін жүйелі әсері бар кортикостероидтар, антикоагулянттар, мысалы варфарин, серотонинді кері қармайтын селективті тежегіштер немесе ацетилсалицил қышқылы сияқты антиагрегантты препараттарды қатарлас қабылдайтын пациенттерді емдегенде сақ болу керек.
ДИКЛОТОЛ қабылдайтын пациенттерде асқазан-ішек жолының қан кетулері немесе ойық жара түзілуі пайда болған жағдайда емді тоқтату керек.
Ацеклофенакты төменде аталған аурулары бар пациенттерге сақтанумен және медициналық мұқият қадағалаументағайындау керек, өйткені олардың барысының жай-күйі нашарлауы мүмкін:
- асқазан-ішек жолының жоғарғы және төменгі бөлімдерін қоса, асқазан-ішек жолы ауруларының бар екенін айғақтайтын симптомдар
- ойық жараның, қан кетудің немесе асқазанда немесе ішекте ойық жараның тесілуінің анамнезде болуы
- ойық жаралы колит
- Крон ауруы
- гематологиялық аурулар, жүйелі қызыл жегі (ЖҚЖ), порфирия және қан түзілу бұзылуы
Жүрек-қантамыр жүйесіне және миды қанмен қамтуға әсері
Артериялық гипертензиясы және/немесе әлсізден орташа айқындыққа дейінгі іркілісті жүрек жеткіліксіздігі бар пациенттерді емдегенде тиісінше бақылау жүргізу және ұсыныстар беру керек, өйткені ҚҚСП емдеу аясында сұйықтық іркілісі және ісінулер дамуы туралы хабарламалар болған. Бақыланбайтын артериялық гипертензиясы, іркілісті жүрек жеткіліксіздігі (NYHA бойынша I функциональдық класс) бар, жүрек-қантамыр жүйесінің қауіп факторлары (мысалы, артериялық гипертензия, гиперлипидемия, қант диабеті және шылым шегу) бар пациенттерге ацеклофенак қолданғанда ерекше сақтану керек. Сондай-ақ анамнезінде церебро-васкулярлық қан кетулері бар пациенттерге ацеклофенак тағайындағанда сақ болу және медициналық мұқият бақылау керек.
Бауырға және бүйрекке әсері
ҚҚСП емі простагландин синтезінің дозаға тәуелді азаюын туындатуы және күрт бүйрек жеткіліксіздігіне түрткі болуы мүмкін. Жүрек немесе бүйрек функциясы бұзылған, бауыр дисфункциясы бар пациенттерде, диуретиктермен ем алатын немесе құрсақ қуысына хирургиялық араласудан кейінгі қалпына келудегі пациенттерде, сондай-ақ егде жастағы пациенттерде бүйректік қан ағымындемеу үшін простагландиннің маңызды екенін ескеру керек. Бауыр немесе бүйрек функциясы бұзылған пациенттерді, сондай-ақ сұйықтықтың іркілуіне бейімдендіретін басқа аурулары бар пациенттерді емдегенде сақ болу керек. Осы пациенттерде ҚҚСПемдеу бүйрек функциясының бұзылуына және организмде сұйықтық іркілісіне әкелуі мүмкін. Сонымен қатар препаратты диуретиктермен ем қабылдайтын пациенттерге немесе керісінше гиповолемия қаупі бар пациенттерге тағайындағанда сақ болу керек. Ең төмен тиімді доза тағайындау және бүйрек функциясына жүйелі бақылау қажет. Бүйрек функциясына препарат тарапынан болатын әсер, әдетте, ацеклофенак қабылдауды тоқтатқаннан кейін қайтымды. Егер бауыр функциональдық тест көрсеткіштерініңқалыпты мәннен ауытқулары сақталса немесе бауыр жеткілісіздігі дамуына сәйкес клиникалық симптомдар пайда болғанда ұлғайса, немесебасқа білінулер (мысалы, эозинофилия, бөртпелер) пайда болған жағдайда ацеклофенакпен емді тоқтату керек. Гепатит алдын ала симптомдарсыз дамуы мүмкін. Бауыр порфириясы бар пациенттердеҚҚСПқолдану аурудың өршуіне түрткі болуы мүмкін.
Аса жоғары сезімталдық және тері реакциялары
Басқа ҚҚСП қолданған жағдайлардағы сияқты препараттың ерте экспозициясында анафилаксиялық/анафилактоидты реакцияларды қоса, аллергиялық реакциялар пайда болуы мүмкін.
Өте сирек жағдайларда эксфолиативті дерматит, Стивенс-Джонсон синдромы және уытты эпидермалық некролизді қоса, күрделі тері реакциялары, олардың кейбірі өлімге әкелуі мүмкін, байқалған. Пациенттер осы реакциялар дамуының ең жоғары қаупіне емдеу курсының басында ұшырауға бейім, реакциялар көп жағдайларда емнің бірінші айында көпбілінеді. Тері бөртпесінің бірінші белгілерінде, шырышты қабығының зақымдануы немесе аса жоғары сезімталдықтың кез келген басқа симптомдарында ДИКЛОТОЛ® препаратымен емді тоқтату керек.
Айрықша сирек жағдайларда желшешек терінің және жұмсақ тіндердің тарапынан күрделіинфекциялардың түрткісі болуы мүмкін. Қазіргі уақытта осыинфекциялық аурулардың ағымын нашарлатуда атқаратын ҚҚСП рөлін жоққа шығаруға болмайды. Сондықтан желшешекте ДИКЛОТОЛ препаратын тағайындаудан аулақ болу керек.
Гематологиялық көрсеткіштерге әсері
Ацеклофенак тромбоциттер агрегациясын қайтымды тежеуі мүмкін.
Тыныс алу жүйесі тарапынан бұзылулар
Бронх демікпесінен зардап шегуші немесе анамнезінде бронх демікпесі бар пациенттерге препарат тағайындағанда сақ болу керек, өйткені ҚҚСП қабылдау ондай пациенттерде бронх түйілуін туындатуы мүмкіндігі туралы мәлімдеулер бар.
Егде жастағы пациенттер
Егде жастағы пациенттерді емдегенде сақ болу керек, өйткені бұл жастағы топтардаҚҚСП еміне байланысты әсіресе, өлімге әкелуі мүмкін асқазан-ішек жолынан қан кету және ойық жараның тесілуі сияқты жағымсыз құбылыстар жиілігі жоғары. Оның үстіне, егде жастағы пациенттер бүйрек, бауыр немесе жүрек-қантамыр жеткіліксіздігіне көп ұшырауға бейім.
Ұзақ уақытемделу
Қабынуға қарсы стероидты емес препараттармен ұзақ уақыт ем алатын барлық пациенттер жалпы қан талдауы, функционалдық бауыр және бүйрек тестілерін ұдайы орындаумен, мұқият бақылануы тиіс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратпен ем кезінде әлсіздік, бас айналу, бағдардан жаңылу немесе орталық жүйке жүйесі тарапынан басқа бұзылулары болған пациенттер автокөлікті немесе басқа қауіпті механизмдерді басқармауы тиіс.
