Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
ДИСТРЕПТАЗА
Халықаралық патенттелмеген атауы
Жоқ
Дәрілік түрі, дозалануы
Ректальдi суппозиторийлер
Фармакотерапиялық тобы
Қан және қан түзу ағзалары. Басқада гематологиялық препараттар. Ферменттік препараттар. Стрептокиназа, біріктірілім.
АТХ кодыВ06АА55
Қолданылуы
- қосалқылардыңсозылмалы қабынуы, жатыр шырышты қабығының қабынуы (кіші жамбас ағзаларының қабынуы (PID, англ. pelvic inflammatory disease)) – аналық бездердің, фаллопий түтігінің және эндометрийдің қабыну ауруларының синдромы);
- операциядан кейінгі инфильтративті өзгерістер (кіші жамбас аумағындаөткізілген операциядан кейінгіжабыспа ауруы);
- жедел (AHD, англ. acute haemorroidal disease) және созылмалы ағымды геморрой;
- периректальді абцесс және ауқымды қабыну инфильтраты бар жыланкөздер
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- препараттың кез келген компонентіне аса жоғары сезімталдық
- кіші жамбас және тік ішек ағзаларына операция жасағаннан кейінгі ерте кезең
- геморрагиялық диатез
- жүктілік және бала емізу кезеңі
- 18 жасқа дейінгі балалар мен жасөспірімдер
Қолдану кезіндегі қажетті сақтық шаралары
Қандай да болсын жағымсызреакциялар пайда болған жағдайда препаратты әрі қарай қолдануды жалғастыру мүмкіндігі жөнінде дәрігерден міндетті түрде кеңес алыңыз!
Препарат жаңа жарамен немесе тігіспен жанаспауға тиіс, өйткенітігістері босап кетуі салдарынан жарадан қанның кетуіне әкеп соқтыруы мүмкін.
Препаратты қан кетуден кейін шамамен 10 күн қабылдауға болмайды, себебі бұл қайта қан кетуіне әкелуі мүмкін.
ДИСТРЕПТАЗА препаратымен емделу кезінде дәрігердің алдын ала кеңесінсіз ешқандай басқа дәрілік заттарды (оның ішінде рецептісіз босатылатын) қабылдамаңыз. Бақылаусыз жүргізілетін ем Сіздің денсаулығыңызға нұқсан келтіруі мүмкін.
Басқа дәрілік препараттармен өзара әрекеттесуі
Қабыну ошағына антибиотиктердің және химиотерапиялық препараттардың енуін күшейтеді.
Құрамында кальций тұздары бар дәрілік заттармен, антикоагулянттармен бір мезгілде қолданбаған жөн, өйткені жергілікті қан кетулер пайда болуы мүмкін.
Арнайы ескертулер
Егер Сіз басқа дәрілік заттарды қабылдап жүрсеңіз, онда оны емдеп жүрген дәрігеріңізге міндетті түрде айтыңыз!
Жүктілік немесе лактация кезеңі
Жүктілік және лактация кезеңінде қолдануға болмайды.
Препараттың көлік құралына немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Қолдану жөніндегі нұсқаулар
Дозалау режимі
Ересектерде ауру барысы ауыр болғанда:
алғашқы 3 күн бойы күніне 3 рет 1 суппозиторийден;
кейінгі 3 күн бойы күніне 2 рет 1 суппозиторийден;
кейінгі 3 күн бойы күніне 1 рет 1 суппозиторийден.
Ересектерде аурудың жеңіл және орташа ауырлық дәрежесінде:
3 күн бойы күніне 2 рет 1 суппозиторийден;
кейінгі 4 күн бойыкүніне 1 рет 1 суппозиторийден
немесе 2 күн бойы күніне2 рет1 суппозиторийден.
Енгізу тәсілі және жолы
Суппозиторийді блистерден шығарып алып, тік ішекке терең енгізу керек.
Дозасы қабыну үдерісінің түріне және қарқындылық дәрежесіне байланысты.
Емдеу ұзақтығы
Емдеу курсына орта есеппен 8 - 18 суппозиторий қолданылады.
Емдеу курсының орташа ұзақтығы 7 - 10 күн.
Артық дозалану жағдайында қабылдануы қажеті шаралар
Симптоматикалық ем.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
-препараттың кез келген компонентіне аса жоғары сезімталдық
Сирек
- аллергиялықреакциялар
- денетемпературасының жоғарылауы
- қан кетуге бейімділік
Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір суппозиторийдің құрамында
белсенді заттар: стрептокиназа 13500 – 16500 ХБ, стрептодорназа 1 250 – 20 000 ХБ,
қосымша заттар: витепсол Н15, парафин майы.
Сыртқы түрінің, исінің, дәмінің сипаттамасы
Пішіні конус тәрізді немесе ұшы сүйір торпедаға ұқсас, механикалық зақымдары жоқ, ақтан крем түске дейінгі суппозиторийлер.
Шығарылу түрі және қаптамасы
6 немесе 5 суппозиторийден сыйымдылығы 2,1 мл ұяшықтары бар поливинилхлоридті үлбірден және полиэтиленнен (ПВХ/ПЭ) жасалған пішінді ұяшықты қаптамаға салынған.
Пішінді ұяшықты 1 (№ 6 орам үшін) немесе 2 (№10 орам үшін) қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
2o С-ден 8o С-ге дейінгі температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәліметтер
«БИОМЕД-ЛЮБЛИН» Вытвурня Суровиц и Щепёнэк Спулка Акцыйна
Университетская к-сі 10, 20-029 Люблин, Польша
Тел./факс + 48 81 533-82-21
+ 48 81 533-80-60
E-mail: biomed@biomedlublin.com
Тіркеу куәлігінің ұстаушысы
«БИОМЕД-ЛЮБЛИН» Вытвурня Суровиц и Щепёнэк Спулка Акцыйна
Университетская к-сі 10, 20-029 Люблин, Польша
Тел./факс + 48 81 533-82-21
+ 48 81 533-80-60
E-mail: biomed@biomedlublin.com
Қазақстан Республикасы аумағында тұтынушылардан дәрілік зат бойынша шағымдарды (ұсыныстарды) қабылдайтын ұйымның және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы)
«Альпен Фарма» ЖШС, Қазақстан Республикасы,
Алматы обл., Қарасай ауданы, Елтай ауылдық округы, Көкөзек а. 1044 құрылысы, индекс 040114
Тел./факс+ 7 727 232-34-73, + 7 727 232-34-74
E-mail: info.kazakhstan@alpenpharma.com
Моб. +7 701 035 70 69
E-mail: pv.kz@alpenpharma.com