Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Панангин форте 316 мг/280 мг № 60 табл

2612
Қолжетімділігі
Сатылымда бар
Үлгі
5997001365144
Елі
Венгрия
Өндіруші
Гедеон Рихтер
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

Панангин® Форте

Саудалық атауы

Панангин® Форте

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 316 мг/280 мг

Құрамы

Бір таблетканың құрамында

белсенді заттар: калий аспарагинаты 316 мг (калий аспарагинаты гемигидраты түрінде 332,6 мг),

магний аспарагинаты 280 мг (магний аспарагинаты тетрагидраты түрінде 350 мг);

қосымша заттар: сусыз коллоидты кремнийдің қостотығы, картоп крахмалы, повидон К-30, магний стеараты, тальк, жүгері крахмалы;

үлбірлі қабықтың құрамы: макрогол 6000, титанның қостотығы (Е 171), эудрагит (E 100), тальк.

Сипаттамасы

Сопақша пішінді, екі беті дөңес, аздап жылтыр және тегіс емес, іс-жүзінде иіссіз дерлік, ақ немесе ақ дерлік түсті үлбірлі қабықпен қапталған, бір жағында «А83» жазуы бар таблеткалар.

Фармакотерапиялық тобы

Ас қорыту жолы және зат алмасу. Минералды қоспалар. Басқа да минералды заттар.

АТХ коды А12СХ

Фармакологиялық қасиеттері

Фармакокинетикасы

Магний

Дене салмағы 70 кг адам организмінде жалпы магний қоры орташа алғанда24 г (1000 ммоль) құрайды; магнийдің 60% астамы сүйек тініне және шамамен 40 % қаңқа бұлшықеті мен басқа тіндерге тиесілі. Организмдегі жалпы магний қорының 1% жуығы жасуша сыртындағы сұйықтықта, негізінен қан сарысуында болады. Дені сау ересек адамдарда қан сарысуындағы магнийдің мөлшері 0,7-1,10 ммоль/л диапазонында болады.

Магнийді тамақпен тұтынудың ұсынылатын нормасы ер адамдар үшін күніне 350 мг және әйелдер үшін күніне 280 мг құрайды. Жүктілік және емшек емізу кезінде магнийге қажеттілік артады.

Магний асқазан-ішек жолынан белсенді тасымалдану жолымен сіңіріледі. Организмде магний теңгерімінің негізгі реттегіші бүйрек болып табылады.3-5 % иондалған магний несеппен шығарылады.

Несеп көлемінің ұлғаюы (мысалы, тиімділігі жоғары ілмектікдиуретиктермен ем жүргізу кезінде) иондалған магнийдің шығарылуының артуына әкеледі. Егер ішектің жіңішке бөлігінде магний сіңірілуі төмендесе, одан кейінгі гипомагниемия шығарылудың азаюына әкеледі (тәулігіне <0,5 ммоль).

Калий

Дене салмағы 70 кг адам организмінде жалпы калий қоры орташа алғанда140 г (3570 ммоль) құрайды. Жалпы калий қоры ер адамдарға қарағанда әйелдерде біршама аздау және жасына қарай аздап төмендейді. Организмдегі жалпы калий қорының 2%-ы жасушадан тыс табылуы мүмкін, ал қалған 98 %-ы жасушалар ішінде болады.

Калийді тамақпен тұтынудың оңтайлы нормасы күніне 3 - 4 г (75-100 ммоль) құрайды. Калий шығарылуының негізгі жолы – бүйректік (күнделікті шамамен 90% калий бүйрек арқылы шығарылады). Қалған 10 % асқазан-ішек жолы арқылы шығарылады. Осылайша, бүйрек ұзақ мерзімді калий гомеостазына, сондай-ақ қан сарысуындағы калийдің мөлшері үшін жауап береді. Қысқа мерзімді келешекте қандағы калий мөлшері жасушаішілік және жасушадан тыс кеңістік арасындағы калий ағымымен де реттеледі.

Фармакодинамикасы

Магний және калий иондары маңызды жасушаішілік катиондар болып табылады және көптеген макромолекулалар мен жасушаішілік құрылымдар арасындағы байланысты қалыптастыруда, сондай-ақ бұлшықет жиырылуының молекулалық механизмінде энзимдердің жұмыс істеуінде шешуші рөл атқарады. Калий, кальций, натрий және магний иондарының жасушаішілік және одан тыс арақатынасы миокардтың жиырылуына әсер етеді. Эндогендік аспарагинат – иондардың өткізгіші ретінде әсер етеді: жасушаға ұқсастығы жоғары, оның тұздарының елеусіз диссоциациясының арқасында кешенді қосылыс түріндегі иондар жасушаның ішіне енеді. Магний аспарагинаты және калий аспарагинаты миокард метаболизмін жақсартады. Магний/калий тапшылығы артериялық гипертензияның, коронарлық артериялар атеросклерозының, аритмияның және миокардтағы метаболизмдік өзгерістердің даму қаупін арттырады.

Қолданылуы

- емдеуші дәрігердің тағайындауы бойынша жүректің созылмалы ауруларында (созылмалы жүрек жеткіліксіздігі, миокард инфарктісінен кейінгі жағдай), жүрек ырғағының бұзылуларында (негізінен қарыншалық аритмия) кешенді ем құрамында

- емдеуші дәрігердің тағайындауы бойынша жүрек гликозидтерімен емге қосымша дәрі ретінде

- магний және калийдің тұтынылуын арттыру үшін қоспа түрінде

Қолдану тәсілі және дозалары

Дозасы

Ересектер

Ұсынылған тәуліктік доза: 1 таблеткадан күніне 3 рет.

Ең жоғарғы тәуліктік доза: 1 таблеткадан күніне 3 рет.

Қолдану тәсілі

Ішке қабылдау үшін.

Панангин® Форте препаратын тамақтанудан кейін қабылдаған жөн, себебі асқазанның қышқыл ортасы препараттың тиімділігін төмендетуі мүмкін.

Жағымсыз әсерлері

- препараттың үлкен дозаларын қолданған кезде нәжістің жиілеуі мүмкін

Қолдануға болмайтын жағдайлар

- әсер етуші заттарға немесе кез келген қосымша заттарға жоғары сезімталдық

- жедел немесе созылмалы бүйрек жеткіліксіздігі

- Аддисон ауруы

- III дәрежелі атриовентрикулярлық блокада

- кардиогенді шок (артериялық қысым 90 мм с.б. кем)

- 18 жасқа дейінгі балалар.

Дәрілермен өзара әрекеттесуі

Құрамында калий аспарагинаты және магний аспарагинаты бар препараттардың дәрілермен өзара әрекеттесуіне зерттеулер жүргізілген жоқ. Ғылыми әдебиеттің деректері бойынша калий және магний кейбір дәрілік препараттармен өзара әрекеттесуі мүмкін. Калий жинақтаушы диуретиктермен, ангиотензинге өзгертуші фермент (АӨФ) тежегіштерімен, бета-адреноблокаторлармен, циклоспоринмен, гепаринмен және қабынуға қарсы стероидты емес препараттармен бірге қолданған кезде гиперкалиемияның даму қаупі артады. Тетрациклиндер (пероральді қолданған кезде), темір тұздары мен натрий фториді калий аспарагинаты мен магний аспарагинатының асқазан-ішек жолынан сіңірілуін төмендетеді. Жоғарыда аталған препараттармен Панангин® Форте препаратын қабылдау арасында кем дегенде 3 сағат үзіліс болуы қажет.

Айрықша нұсқаулар

Гиперкалиемия қатар жүретін аурулары бар пациенттер ерекше сақ болуы керек: қан сарысуындағы электролиттердің құрамын үнемі бақылау ұсынылады.

Жүктілік және лактация кезеңі

Жүктілік немесе емшек емізу кезінде Панангин® Форте препаратының теріс әсерін көрсететін деректер жоқ.

Педиатрияда қолданылуы

Панангин® Форте препаратын балалар мен жасөспірімдерге қолдануға болмайды, өйткені оны пациенттердің осы санатына қолданудың қауіпсіздігі мен тиімділігі анықталмаған.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Панангин® Форте көлік құралдарын және басқа механизмдерді басқару қабілетіне әсер етпейді.

Артық дозалануы

Құрамында калий аспарагинаты және магний аспарагинаты бар препаратының, үлкен дозаларын қабылдағанның өзінде, артық дозалануы туралы ақпарат жоқ. Бүйректің калийді көп мөлшерде шығаратын қабілетін ескере отырып, препарат дозасын арттыру калий шығарылуының жедел немесе айқын бұзылулары аясында ғана гиперкалиемияға әкелуі мүмкін.

Магний кең емдік «терезесімен» сипатталады, бүйрек жеткіліксіздігі болмағанда күрделі жағымсыз әсерлері өте сирек болады.

Әдебиет деректері бойынша магний қоспаларын ішке қабылдау диарея типті жеңіл жағымсыз реакцияларды туындатуы мүмкін. Панангин® Форте препаратының жоғары дозалары олардың құрамында магний болуына байланысты нәжісті жиілетуі ықтимал.

Вена ішіне қолданғанда жылдам енгізген жағдайда гиперкалиемия/ гипермагниемия симптомдары дамуы мүмкін.

Гиперкалиемия симптомдары: жалпы әлсіздік, парестезия, брадикардия, салдану, аритмия.

Гипермагниемия симптомдары: жүрек айну, құсу, летаргиялық ұйқы, артериялық қысымның төмендеуі, брадикардия, әлсіздік, гипорефлексия.

Емі: артық дозаланғанда препаратты қабылдауды тоқтату қажет; симптоматикалық ем ұсынылады (кальций хлоридін вена ішіне енгізу; қажет болғанда - гемодиализ).

Шығарылу түрі және қаптамасы

ПВХ/ПВДХ үлбірден және алюминий фольгадан жасалған пішінді ұяшықты қаптамада 15 таблеткадан.

2, 4 немесе 6 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау шарттары

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші-ұйымның атауы және елі

«Гедеон Рихтер» ААҚ,

1103 Будапешт, Дёмрёи к-сі, 19-21, Венгрия

Тіркеу куәлігі иесінің атауы мен елі

«Гедеон Рихтер» ААҚ, Венгрия

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Гедеон Рихтер» ААҚ ҚР өкілдігі, Алматы қ., Төле Би к-сі 187

E-mail: info@richter.kz

Телефон: 8-(7272)-58-26-22, 8-(7272)-58-26-23

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Гедеон Рихтер» ААҚ ҚР өкілдігі, Алматы қ., Төле Би к-сі 187

E-mail: pv@richter.kz

Телефон: 8-(7272)-58-26-22, 8-(7272)-58-26-23, 8-701-787-47-01

Дәріханалар

Тауар артығымен бар
Тауар аз қалды
Аптека №133
Ул.Исатай Тайманова 187
09:00-21:00
Аптека №286
пр. Махамбет жд.1
09:00-21:00