Папаверин г/х 20 мг, №10, рект. свечи

Сипаттама

Дәрілік затты медициналық қолдану жөніндегі нұсқаулық

Папаверин

Саудалық атауы

Папаверин

Халықаралық патенттелмеген атауы

Жоқ

Дәрілік түрі

20 мг ректальді суппозиторийлер

Құрамы

1 суппозиторийдің құрамында

белсенді зат – 20 мг папаверин гидрохлориді,

қосымша зат – қатты май (витепсол (H 15, W 35 маркасы) немесе суппосир (NA 15, NAS 50 маркасы)) – салмағы 1,25 г суппозиторий алғанға дейін.

Сипаттамасы

Ақтан сарғыш немесе крем реңді ақ түске дейінгі, торпеда пішінді суппозиторийлер. Суппозиторий беткейінде ақ дақтың пайда болуына жол беріледі

Фармакотерапиялық тобы

Ас қорыту жолы және зат алмасу. Асқазан-ішек жолы тарапынан функционалдық бұзылуларын емдеуге арналған препараттар. Папаверин және оның туындылары. Папаверин.

АТХ коды A03AD01

Фармакологиялық қасиеттері

Фармакокинетикасы

Биожетімділігі орташа алғанда – 25 %. Плазма ақуыздарымен байланысуы – 90 %. Жақсы таралады, гистогематикалық бөгеттер арқылы өтеді. Бауырда метаболизденеді. T1/2 – 0.5-2 сағат (24 сағатқа дейін созылуы мүмкін). Бүйрекпен метаболиттер түрінде шығарылады.

Фармакодинамикасы

Миотропты спазмолитикалық дәрі болып табылады. Фосфодиэстеразаны тежейді, жасушада циклдық 3,5-аденозинмонофосфат (АМФ) жиналуын және кальций мөлшерінің төмендеуін тудырады. Ішкі ағзалардың (асқазан-ішек жолының, тыныс жолдардың, несеп-жыныс жүйесінің) және қан тамырларының тегіс бұлшықеттерін босаңсытады. Үлкен дозаларда жүрек бұлшықетінің қозғыштығын төмендетеді және жүрекішілік өткізгіштікті бәсеңдетеді. Папавериннің орталық жүйке жүйесіне әсері әлсіз көрінеді, бірақ ол үлкен дозаларда тыныштандыратын әсер етеді.

Қолданылуы

• құрсақ қуысы ағзаларының тегіс бұлшықеттерінің түйілуінде (холецистит, пилороспазм, спазмдық колит)
• несеп шығару жолдарының түйілуі (бүйрек шаншуы)

Қолдану тәсілі және дозалары

Ішек өздігінен босағаннан немесе тазартқыш клизмадан кейін 1 суппозиторийден күніне 2-3 рет ректальді қолданады. Емдеу курсын емдеуші дәрігер жекелей тағайындайды.

Жағымсыз әсерлері

• аллергиялық реакциялар
• ішінара немесе толық атриовентрикулярлы бөгеліс
• қарыншалық экстрасистолия
• «бауыр» трансаминазалары белсенділігінің жоғарылауы
• эозинофилия
• гипотензия
• ұйқышылдық
• іш қату

Қолдануға болмайтын жағдайлар

• препарат компоненттеріне аса жоғары сезімталдық
• атриовентрикулярлы бөгеліс
• глаукома
• бауырдың ауыр жеткіліксіздігі
• бүйректің ауыр жеткіліксіздігі
• егде жас (гипертермия даму қаупі бар)
• балалар және 18 жасқа дейінгі жасөспірімдер
• жүктілік
• лактация кезеңі

Сақтықпен (аз дозаларда) бассүйек-ми жарақатынан кейінгі жағдайларда, созылмалы бүйрек жеткіліксіздігінде, бүйрекүсті бездері функциясының жеткіліксіздігінде, гипотиреозда, қуық асты безінің гиперплазиясында, қарыншаүсті тахикардиясында, шок жағдайларында қолданылады.

Дәрілермен өзара әрекеттесуі

Папаверин леводопаның паркинсонға қарсы әсерін және метилдопаның гипотензиялық әсерін төмендетеді. Барбитураттармен біріктірген кезде папавериннің спазмолитикалық әсері күшейеді. Трициклдық антидепрессанттармен, прокаинамидпен, резерпинмен, хинидин сульфатымен бірге қолданған кезде гипотензиялық әсері күшеюі мүмкін.

Айрықша нұсқаулар

Шылым шеккен кезде вазодилатациялайтын әсері төмендейді.

Препаратпен емделу кезінде алкоголь қабылдауға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препаратпен емделу уақытында автокөлік жүргізу және аса зейін қоюды және психикалық және қозғалыс реакцияларының жылдамдығын талап ететін қауіптілігі зор қызмет түрлерімен айналысудан тартына тұру керек.

Артық дозалануы

Симптомдары: диплопия, әлсіздік, артериялық қысымның төмендеуі, ұйқышылдық.

Емі: симптоматикалық (артериялық қысымды бір қалыпта ұстау).

Шығарылу түрі және қаптамасы

5 суппозиторийден полиэтиленмен ламинацияланған поливинилхлорид үлбірден жасалған пішінді ұяшықты қаптамаға салынады.

2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Босатылу шарттары

Рецептісіз

Өндіруші / Қаптаушы

«Нижфарм» АҚ, Ресей Федерациясы

603950, Нижний Новгород қ.,

Салганская к-сі, 7

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің иесі

«Нижфарм» АҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Нижфарм» АҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e-mail: almaty@stada.kz

Қалалар